SINTINEDDI Tali un ochju lampatu à u mare latinu O una mani porsa à l'imperi à liventi Un sognu maladettu d'eternu scarpiddinu O una chjama antica chi più nimu n'ùn senti Tali i voci chi funu da culandi à l'ora E li visi di petra chi dissinu di nò Quidda sumiglia strana chi ùn si volsi mora E l'idea chi tandu tuttu quì principiò Tali a mani chi vensi in tempu d'ancu à fà E vi feci d'altura cù quiddu arti supranu Un era ancu lu mondu é n'erati digià Guardiani impitrati di u ricordu umanu Tali l'abbracciu primu chi u silenziu vi deti E li sapienzi arcani cù li so canti immersi Di ciò chì ùn hè storia tiniti li sicreti Tali una citatella chi a mimoria persi (F. Lanfranchi & N. Luciani/E. Gineste)

A PALATINA

À li furdani in Bastia
Li tremà la curadella
Si sò chjosi in citadella
Ma l’avemu da caccià
Ste vulpacce coddi mozze
Ùn la si ponu francà,
Ste vulpacce coddi mozze
Ùn la si ponu francà.

Per lu capu naziunale
Appruntate li truffei
I furdani à sei à sei,
Anderanu à tumbulà
È dumane à lu cunventu
U vulemu incurunà,
È dumane à lu cunventu
U vulemu incurunà.

Avanti la nostra ghjente
Spunta è l'alba s'avvicina,
À la Corsica Regina,
Gloria per l'eternità,
À la Corsica Regina,
Gloria per l'eternità.

Or fate sventulà sta chjoma,
Chì tantu sott'à la soma,
Per cent'anni ùn c'hà da stà,
Da lu pughjale à la marina
Cantate la palatina,
È lu piombu salterà.


Traditionnel

ATTILA Da sbarracà i palazzi E da spenticà l’imperi Venutu da i to stazzi Cù i to cavalli fieri Attila si scalatu Cù u ferr’ è cù u focu Vecu e greghje infuriate Ad apparinà u locu Tù qualcosa ci lascati Di u to sangue in bullore Per chi nim’ùn accatasti E nùn cresca u valore Senza sapè chì dumane Sì pesa un antru ghjornu Duve nùn si sà chì pane A da coce ind’è u fornu A chì si crede putente In la so pace rumana Di cultura preputente Veste robb’ è ghjente sana Si scorda di a lezzione Chì a brusta ùn bast’à copre Per amattà u tizzone Quandu ci hè la ghjente fore Un cunnoscu e to stonde Ma sentu la zampittata Chì fece trimà u mondu Nant’a so volta impetrata E chì ficcò a peura Attempu la meraviglia Per la tamanta figura Di un populu in ira. © I Chjami Aghjalesi

À TÈ LA CORSICA REGINA

À tè la Corsica Regina
À ella tù
È lu pocu di sta rima
À ciò chì fù.

À tè lu ventu chì scuzzula
L'alburoni intimuriti
Spazzendu in terra la pula
Di li to passi smariti.

À tè l'abbracciu di sta terra
À i purtelli di a notte
Quandu si tace ogni guerra
È s'aprenu le centu porte.

E centu porte di l'avvene
I centu mesi di u ritornu
Ciò chì fughje è ch'omu tene
Cù a sperenza chì un ghjornu...

À noi d'un lacà travià
È d'un pienghje à mille voci
U tempu hè fiume ùn ci vole à fà
Ch'elle s'ingorghinu le foci
À tè la Corsica Regina...

© I Chjami Aghjalesi